Deadlift 起始位置腰椎屈曲 — 平均 10 個教練只有 3 個答對的問題？（下）

練返腰椎伸肌的局限性

問題唔係腰椎伸肌訓練冇用。相反，腰椎伸肌對於維持脊椎健康係重要嘅。但其限制在於兩個層面：

處理結果而非原因

練腰椎伸肌係直接強化已經被過度需求嘅肌肉，但並未處理「點解腰椎要屈曲代償」。

忽略整個系統的穩定性

腰椎嘅安全，從來唔係單靠伸肌一組肌肉硬撐。理想情況下，腰椎剪力應該由腹內壓均勻分散、由背闊肌透過胸腰筋膜分擔、由骨盆穩定讓髖伸肌有效接手發力。

解決腰椎屈曲的訓練方向

如果訓練目標係解決 Deadlift 起始位置嘅腰椎屈曲，應該考慮以下方向：

重建腹內壓

透過 Supine 9090 或 Hooklying 呼吸練習，訓練橫隔膜、腹肌群同骨盆底肌嘅協同工作能力。

提升髖屈活動度

確保後大腿柔韌性足夠，讓髖關節能夠進入理想嘅起始摺疊角度。

整合背闊肌發力

用 Break the bar 等 cue，激活背闊肌經胸腰筋膜穩定腰椎。

強化骨盆控制

讓髖伸肌群（臀大肌、膕繩肌）有一個穩定嘅平台去產力。

更成熟的答案

回到最初嘅問題：Deadlift 起始位置嘅腰椎屈曲，係咪因為腰椎伸肌力量不足？

更成熟嘅答案可能係：「伸肌力量可能係其中一個因素，而且只係代償嘅結果。」

後記：學解剖的真正價值

好多人一聽到 ”學解剖“，第一反應係：「係咪要逐條肌肉背？」然後覺得自己記性唔好，打退堂鼓，抑或係覺得紙上談兵就係不能實踐。

坦白講，如果學解剖只係為咗背書，咁你上 Wiki 都得，唔使上堂。

真正嘅學習，係學緊一樣更加值錢嘅嘢：

你眼前嘅身體出咗問題，你有冇能力透過邏輯鏈去推斷出真正嘅原因？

就好似今次呢條題目咁，一個教練如果只係識「腰彎咗就練返挺直」，同另一個教練識得去諗「佢嘅髖屈夠唔夠？腹內壓有冇建立？骨盆穩唔穩？」

呢兩個教練嘅價值，差天共地。

無問題㗎，用最傳統最簡單嘅方法，不斷叫個學生練練練，可能練下練下都會練到接近嘅效果。

但我哋而家提供緊嘅，係一道門。比大家有得揀。可以繼續行條遠路，亦可揀用更快捷、更精準嘅方式，去做到一樣嘅效果。

教練嘅說服力，客人對你嘅信任度，細節見高度。

常見問題

 為什麼練腰椎伸肌不能解決 Deadlift 的腰椎屈曲問題？

 因為這只是在強化代償模式，未能解決髖屈活動度不足或骨盆控制失調等根本原因。

  如何重建腹內壓以改善 Deadlift 姿勢？

可以透過 Supine 9090 或 Hooklying 呼吸練習來訓練橫隔膜、腹肌群與骨盆底肌的協同工作能力。

學解剖對於解決運動問題有什麼幫助？

學解剖不僅是記憶肌肉位置，而是透過理解身體動作去推斷問題的真正原因，提升教練的價值與專業性。